ಅಂಗವಿಕಲತೆ ವ್ಯಕ್ತಿಯ ಸಾಮರ್ಥ್ಯವನ್ನೇ ನಿರ್ಧರಿಸುವುದಿಲ್ಲ. ಸಮಾಜದ ಪ್ರತಿ ಸದಸ್ಯನಿಗೂ ಸಮಾನ ಅವಕಾಶಗಳು ದೊರಕಬೇಕೆಂಬ ದೃಷ್ಟಿಕೋಣದಲ್ಲಿ, ಕರ್ನಾಟಕ ರಾಜ್ಯ ಸರ್ಕಾರ ಅಂಗವಿಕಲರಿಗಾಗಿ ಮಾಸಿಕ ಭತ್ಯೆ ಯೋಜನೆಯನ್ನು ಜಾರಿಗೆ ತಂದಿದೆ. ಈ ಯೋಜನೆಯು ದೈಹಿಕ, ಮಾನಸಿಕ, ದೃಷ್ಯ ಅಥವಾ ಶ್ರವಣ ಸಂಬಂಧಿತ ಅಡಚಣೆ ಹೊಂದಿರುವವರಿಗೆ ಆರ್ಥಿಕ ಸಹಾಯವನ್ನು ಒದಗಿಸುತ್ತದೆ.
ಯೋಜನೆಯ ಉದ್ದೇಶ :
ಈ ಯೋಜನೆಯ ಪ್ರಮುಖ ಉದ್ದೇಶ ಅಂಗವಿಕಲರನ್ನು ಸಮಾಜದ ಮುಖ್ಯವಾಹಿನಿಗೆ ತರುವುದು ಹಾಗೂ ಆರ್ಥಿಕ ಸ್ಥಿರತೆ ನೀಡುವುದು. ಇದನ್ನು ಕೇಂದ್ರ ಸರ್ಕಾರದ ಇಂದಿರಾ ಗಾಂಧಿ ರಾಷ್ಟ್ರೀಯ ವಿಕಲಚೇತನ ಪಿಂಚಣಿ ಯೋಜನೆಗೂ ಸಂಪರ್ಕಿಸಿ ಅಭಿವೃದ್ಧಿಪಡಿಸಲಾಗಿದೆ.
ಮಾಸಾಶನದ ವಿವರಗಳು :
– ಮಾಸಿಕ ಭತ್ಯೆ: ರೂ.800 ರಿಂದ ರೂ.2000ರವರೆಗೆ
– ಭತ್ಯೆಯ ಪ್ರಮಾಣ: ಅಂಗವಿಕಲತೆಯ ಪ್ರಮಾಣವನ್ನು ಆಧರಿಸಿ ನಿರ್ಧರಿಸಲಾಗುತ್ತದೆ
– 80% ಅಥವಾ ಹೆಚ್ಚಿನ ಅಂಗವಿಕಲತೆ ಹೊಂದಿದ ಬಡತನರೇಖೆಗೆ ಒಳಪಡುವವರು ಕೇಂದ್ರ ಯೋಜನೆಯ ಮೂಲಕ ಅರ್ಹರಾಗುತ್ತಾರೆ.
ಅರ್ಹತ ಮಾನದಂಡಗಳು :
– ಕನಿಷ್ಠ 40% ಅಂಗವಿಕಲತೆ ಇರುವವರು
– ವಾರ್ಷಿಕ ಆದಾಯ ಗ್ರಾಮೀಣ/ನಗರ ಪ್ರದೇಶಗಳಲ್ಲಿ ರೂ.32,000ಕ್ಕಿಂತ ಕಡಿಮೆ
– ಕನಿಷ್ಠ 10 ವರ್ಷಗಳಿಂದ ಕರ್ನಾಟಕದಲ್ಲಿ ವಾಸವಿರುವುದು
– ಅಂಗವಿಕಲತೆಯು ಹುಟ್ಟಿನಿಂದ ಅಥವಾ ಅಪಘಾತದಿಂದ ಅಥವಾ ಕಾಯಿಲೆಯಿಂದ ಉಂಟಾಗಿರಬಹುದು.
ಅಗತ್ಯ ದಾಖಲೆಗಳು :
– ವೈದ್ಯಕೀಯ ಪ್ರಮಾಣ ಪತ್ರ
– ನಿವಾಸ ದೃಢೀಕರಣ ಪತ್ರ
– ಆಧಾರ್ ಕಾರ್ಡ್
– ಬ್ಯಾಂಕ್ ಖಾತೆ ವಿವರಗಳು.
ಅರ್ಜಿಯ ವಿಧಾನ :
ಆಫ್ಲೈನ್ ವಿಧಾನ :
ಅಟಲ್ ಜನಸ್ನೇಹಿ ಕೇಂದ್ರ ಅಥವಾ ಗ್ರಾಮ ಪಂಚಾಯಿತಿ/ಪುರಸಭೆಗೆ ಅರ್ಜಿ ಸಲ್ಲಿಸಬಹುದು.
ಆನ್ ಲೈನ್ ವಿಧಾನ :
1. [sevasindhu.karnataka.gov.in](https://sevasindhu.karnataka.gov.in)ಗೆ ಹೋಗಿ
2. “ಸಾಮಾಜಿಕ ಭದ್ರತೆ ಮತ್ತು ಪಿಂಚಣಿ” ವಿಭಾಗದಲ್ಲಿ “ದೈಹಿಕವಾಗಿ ಅಂಗವಿಕಲ ಪಿಂಚಣಿ” ಆಯ್ಕೆಮಾಡಿ
3. ಅರ್ಜಿದಾರರ ಮಾಹಿತಿ ನಮೂದಿಸಿ, ದಾಖಲೆಗಳನ್ನು ಲಗತ್ತಿಸಿ ಅರ್ಜಿ ಸಲ್ಲಿಸಿ
4. ಅರ್ಜಿಯ ಸ್ವೀಕೃತಿ ಲಭ್ಯವಾಗುತ್ತದೆ.
ಅಂಗವಿಕಲರಿಗೆ ಮಾಸಾಶನದ ಮೂಲಕ ಸರ್ಕಾರ ನೀಡುತ್ತಿರುವ ಸಹಾಯವು ಕೇವಲ ಹಣದ ರೂಪದಲ್ಲಲ್ಲ, ಅದು ಆತ್ಮವಿಶ್ವಾಸದ ಸಂಕೇತವೂ ಆಗಿದೆ. ಈ ಯೋಜನೆಯು ಅಂಗವಿಕಲರನ್ನು ಜೀವನದ ಎಲ್ಲ ಕ್ಷೇತ್ರಗಳಲ್ಲಿ ಮುನ್ನಡೆಯಲು ಸಬಲಗೊಳಿಸುತ್ತಿದೆ.
